شعر تركي

[41195821921]

صبر ايله كونول محنت هجرانه ، تلسمه

درد اهلي يتر، صبر ايله ، درمانه تلسمه

يوسفده زليخاني محبتله سويردي

سالديردي زليخا اوني زيندانه ، تلسمه

دنيايه وفا ايلمه چوخ ، آغلاما كونلوم

دنيا نه وفا قيلدي سليمانه ؟ تلسمه

كام آلميجاخ آيريليغا باعث اولانلار

عاشق چاتاجاخ سوگيلي جانانه، تلسمه

عناوين شعر هاي ارسالي توسط دوستان عزيز:
1-تلسمه
2- داغ اولاخ
3-يالوارما منه
4-ترك بولاغيندا بير غزل ( ملا محمد فضولي )
5- ساخلاميشام (ابولفضل ثوابي )
6- آذر بايجان
7-محبت
8-آنا يوردوم آذر بايجان
9-گجه لر آيه باخپ
10-آراز
11- دنيا يالان دنيادي
12-طالع شوم
13-سني ياز قطاري آپاردي
14-گتمك ايستسن
15-اثري از نصراله بهادري
16-ساري كوينك
17-اولاجاق
18-قاداغاسيدي
19-ديوان عشق
20-قلبيمه آتدون
21-بهجت آباد خاطره سي
22-ائوين آباد
23-من نينه ميشم ؟
24-دئديم اي شمع
25-توتمشام جان نقدين الده
26-گئلمدين
27-كهنه يارا
28-باياتيلار
29-باياتي
30-باياتي
31-باياتي
32-باياتي
33- منده بيري
34- گولسون منه
35- اوزون گجه
36-دئديم
37-بزك
38-يارقاصدي
39-مندن
40-فكر ائلمه سن سيز اولم، اولمرم
41-دلا منت چكينجه سن
42-باتما اي آي بوردا بير عاشيق پريشاندر هله
43-محبت قوجالماز
44-قيسقانيرام
45-گل دنياني بولوشدرك
46-گورم شير دنيادا پير اولماسين
47-ئوزگه ديله يازمارام
48-تاريم منيم
49-قلب پاك
50-يار آغلادي من آغلاديم
51-گلمه دي
52-پاييزين آخرلري
53-گونده منه باش وران
54-اوتاندي لحظه لر منن
55-اولماز
56-ايكيميزده بير اورك وار
57-كوچه لره سوسپميشم
58-بيزه يار السون
59-بيلمم
60- اوز ديلينده
61-گتمه
62-شعر تصويري
63-آنيمين يازيسي
64-شعر تصويري
65-شعر تصويري
66-بير باخيش
67-باياتي
68-شعر تصويري
69-چيلله گجه
70-گؤزلريم
71-سئوگیلیم،عشق اولماسا...
72-يارين ره عشقينده
73-آغلارام
74-آمان آيريليق
75-فرياده گلين
76-اوزديليمده
77- قاييت گل
78-ايستور كونول
79-فراموش اؤلمشام
80-اوزاخلاش بي وفالردن
81-شعر تصويري
82-شعر تصويري
83-شعر تصويري
84-ترختور
85-حيدر بابا
86-شفای وصل قدرین، هجردن بیمار اولاندان سور
87-حيران
88-آذربايجان باياتيلاري
89-آذربايجان باياتيلاري 1
90-آذربايجان باياتيلاري2
91-بيلمه دين
92-آيريلديم
93-گل اشيت نئيدن ...

[41195821921]

داغ اولاخ ، اوجا اولاخ ، آشمياخ
دريا اولاخ ، موج اولاخ ، داشمياخ
عقرب اولپ، اوني بوني ساشمياخ
دوست اولپ، نامرد اولپ قاشمياخ

[41195821921]

كوسمشم ، بيرده باريشمام داها يالوارما منه

تك ليغين لايقسن گت، بالا يالوارما منه

نچه ايل نازوي چكدم ،ولي سن ظلم الدون

ايندي ده ، اي داش اوره دون داشا يالوارما منه

منيم آغلار گوزمه رحم ائليپ ، هن دمدون

ايندي گر گوز ياشون آخسا چايا، يالوارما منه

يالواريردم سنه من ، سن چووردون اوزوي

ايندي ده كئچمشي سال يادوا ، يالوارما منه

سن اوزون داشلامسان باغدا گولون بولبولني

گله بولمز يئنه بلبل باغا ، يالوارما منه

دئديم گل با هم اولاخ ساده توتوپ خوش ياشياخ

سومدين ، پس داها گت تك ياشا يالوارما منه

[41195806047]

تۆرک بولاغیندان بیر غزل:

ساقیا جام توت اول عاشیقه کیم قایغولودور1 /
قایغو چکمک نه اوچون، جام ایله عالم دولودور.
تلخ گؤفتارسیز اولماز لبی یار، ائی عاشیق/
چوخ هوس ائیله مه اول شربته کیم آغولودور2.
قویالیم3 باشی خومی باده ایاغینه گلین/
توتماماق اولماز اونون حۆرمتینی، بیر اولودور4.
بونجا کیم گاه صیفت باشیمه داشلار وورولور/
دیده یی بختیم اویانماز، نه آغیر اویغولودور5.
دیلی پور خونیمه یاغدیرما بلا پئیکانین/
حذر ائت شیشه یه، ناگاه ضرر ائیلر، دولودور.
کؤنلومون زخمینه پئیکانینی ائتدیم مرهم/
گنجی غمدیر، نولا گر بؤیله دمیر قاپولودور.
نرگیسین فیکری، فۆضولی، گؤزو کؤنلومده گزر/
توتار آهو وطن اول6 یئرده کی اوتلو سولودور.
ملا محمد فوضولی

ترجمه فارسی غزل ملا محمد فضولی:


ساقیا جام ده آن عاشق که پریشان حالست/
که پریشانی احوال چرا، عالم پر جام است.
لب یار بی تلخی گفتار مباشد، ای عاشق/
خیلی هوس آن شربت مکن زهرآلود است.
بیایید سر به پای خم باده گذاریم/
بی حرمتی آن نتوان کرد کان بزرگ است.
این همه سنگ که بر سر و رویم خورد همه گاه/
دیده بختم بیدار نشود، چه سنگین خوابست.
پیکان بلا بر دل پر خون من این قدر مبار/
از شیشه حذر کن ناگه میشکند، لبریزاست.
بر زخم دلم پیکان تو مرهم کردم/
گنج غم است، چه باک گر درش آهنین است.
فضولی فکر و چشم نرگس در دلم ماند/
آهو مسکن کند آنجا که پرِ آب و علف است.
ملا محمد فضولی


همین شعر به الفبای لاتین ترکی آزربایجانی:


Saqiya cam tut ol aşiqə kim qayğuludur \
qayğu çəkmək nə üçün, cam ilə aləm doludur.

Təlx göftarsız olmaz ləbi yar, ey aşiq \
çox həvəs eyləmə ol şərbətə kim ağuludur.

Qoyalım başı xumi badə əyağinə gəlin \
tutmaq olmaz onun hürmətini, bir uludur.

Bunca kim gah sifət başimə daşlar vurulur \
dideyi bəxtim oyanmaz, nə ağır uyğuludur.

Dili pur xunimə yağdırma bəla peykanın \
həzər et şişəyə, nagah zərər eylər, doludur.

Könlümün zəxminə peykanını etdim mərhəm \
gənci qəmdir, nola gər böylə dəmir qapuludur.

Nərgisin fikri, Füzuli, gözü könlümdə gəzər \
tutar ahu vətən ol yerdə kim otlu suludur.

Molla Məhəmməd Füzüli

آچیقلامالار (توضیح لر):


1- قایغو: قایغی (او زامانین صرفی ایله کی ایندی ده اردبیلده، ارشقده و میغانین گئرمی بؤلگه سینده بئله صرف ایشله نیر)؛ بیر زادین فیکرینی چکمک.


2- آغو: آغی، زّهّر، سم. (اوستده کی آچیقلامانی گؤر).


3- قویالیم: قویاغین، گلین قویاغین. اسکی تۆرکجه نین فئعل صرف بیچیملریندن کی ایندی تۆرکیه ده ایشله نیر.


4- اولو: بؤیۆک. ایندی ده تۆرکیه ده ایشله نیر.


5- اویغو: یوخو. بو سؤزجۆک ایندی تۆرکیه ده «اویکو» کیمی ایشله نیر. کؤکۆ «اویماق»- دان آسیلی.


6- اول: او. شئعرده فاعیلی ضمیرلرین بئله ایشلنمه سی سابیقه لیدیر.


· بو کلمه لرین ایندی کی تۆرکیه ده ایشلنمه سی یا اونلارا بنزرینین ایشلنمه سی، آزربایجان تۆرکوسو و آنادولو بؤلگه سینین تۆرکوسونون اورتاق (مۆشترک) کؤکونو گؤرسدیر.

[41195824486]

سلام دست شما درد نکنه

خیلی عالی بود
حال کردم به خدا

[41195806047]

ساخلامیشام ... ( ابوالفضل ثوابی دن یئنی سؤی )
ایستیردیم باشلایام یازام سئوگیدن

یازمامیش دفتری بوروموشدو چن

گل کی آغلاماغا سئویندیییمدن

گؤزومده بیر بولود یاش ساخلامیشام

***

اومودسوز قالمیشام سنه چاتماغا

یاستیغیم تیکاندیر یورغون یاتماغا

گئدیب گؤل باشیندا سویا آتماغا

اووجومدا سن اوچون داش ساخلامیشام

***

زور نفس چکیرم اؤلمه – دیریلده

آدیندان ساوایی گزمه ییب دیلده

سن گئدنزاماندان بو نئچه ایلده

بیلمیرسن من نئجه باش ساخلامیشام!!

***

اوره ییم شان – شاندیر پتک دئییل کی

خاطیره ن دردیمه کؤمک دئییل کی

بو سن تانیدیغین اورک دئییل کی

کؤکسومده چیرپینان قوش ساخلامیشام

***

ایچه ریم دردلیدیر، یوخدور چاراسی

گون به گون درینه دوشور یاراسی

نه قالیب ساچیمین بیر تک قاراسی

نه ده کی آغزیمدا دیش ساخلامیشام

***

قیافه ن خیالدان چورومکده دیر

دومان گؤزلرینی بورومکده دیر

فلک ساچلاریندان سورومکده دیر

یادیمدا شکلیندن قاش ساخلامیشام

***

منی اؤلدوروردو آیریلیق دردی

آنام دورومومو چاراسیز گؤردو

هئی دوعا ائیله دی، هئی نذیر وئردی...!

سنه ده بیر کاسا آش ساخلامیشام

***

هر حالدا بوش قالیب کؤنلومده یئرین

بیر ساده قلبیم وار، دنیزدن درین

آخیردن بیر بندین یازدیغیم شئعرین

سنین حؤرمتینه بوش ساخلامیشام...

***

...



دیلسان اوجان

(ابوالفضل ثوابی بخشایش)

[41195806047]

آذربـایــــــجان
عزیـز آذربایــــــــــجان ای گوزل دیار،
آنامـین مــــهریــبان قوجــاقی سنسـن،
کونول طرلانینین اوچوپ قونـــدوغی،
اونون چوخ سودیگی بوداغی سنسن! سنسن دوشوندوگوم سنسن آندیغیم،
مـــنیم بو دونــــــیادا آرخالاند یغــیم،
یـــــئتر آلیشدیغـــیم یــئتر یا ندیغــیم،
شعریمین قلبیمین سوراغی سنسن!
قوی آچسین کونلیمی سوزلریم منیم،
سندن نجات اومـــورگوزلریم مــــنیم،
هـــــله اگیلمه*ییب دیـــــزلریم مـــنیم،
چونکو او دیـزلرین دایاغی سـنسن! دئسم ده وورغونام دیــوانه ســانما،
من کی اوز اوغلونام بیگانه ســانما،
بیر شمسیز آتشسیز پروانه ســانما،
یاندیغیم اودلارین اوجاغی ســنسن!
چوخ واخت اومود وئریر بوائللر منه،
گـــلیب قوشــولورلار چون ائـللر منه،
آچیر اوز ســــیرینی کونــــوللر مـــنه،
دییر یوردوموزون قوناقی ســـــنسن! نه اولار کی کونلوم بــیر لاله اولـسا،
بـاهــارین الـــینده پــــیاله اولــــــسا،
آزادلـیق دونـــــیایا شــــلاله اولـــسا،
اونون قایـــنادیغی بولاغی ســـنسن!
ســــیـخسادا نه قــدر روزگار مــــنی،
یاندیریب یاخــسادا انــــتظار مـــــنی،
بوغـــــماز فـــــرتانالار دریالار منی،
چون آغیر گونومین مایاغی سنسن! قوی بیلسین ای وطن هرآلچاق یاغی،
سولســون او کونلینین امید یارپاغی،
ســن بابک یوردوسان آذر توپراغی،
آصــلانلار اویلاغی یاتاغی ســـنسن!

[41195806047]

محبّت




((محبّت بیر بلا شیءِ دور، گرفتار اولمیان بیلمز)) محبّت بیر کهن میدور،بومی دن ایچمین بیلمز

محبّت خانمان سوز دور، بو شمع عالم افروز دور محبّت تیر جان سوز دور، بو تیردن اؤلمین بیلمز

محبت بیر قشنگ گؤل دور، محبت بیر گران غل دور محبّت بیر اوزاغ یول دور، بو یولدان گِدمین بیلمز

محبّتدن جوشان یاشلار، داشار، افسانه لر باشلار گؤرؤر شمشیر کمان قاشلار، کمنده دوشمین بیلمز

محّبت بیر یانان اوت دور، چَکر شعله، یانور عالم محبّتدن یانور عالم، بو اوتدا یانمیان بیلمز

محبّت موج دریا دی، ائدر غرق سائل و شاهی ائدمز شاعر اشتباهی، بو چایدان گئچمین بیلمز

محبّتدن دئین شاعر گرفتار محبت دور محبت سوز هجرانی بو دردی چکمین بیلمز



محبتدن دئین راوی اولا طبال، چالا طبلی یقِلسه عالم و آدم بو طبلی چالمیان بیلمز

محبّتدن دئیر داود، چالا چنگی نوای عود نگاردان دویمیان محمود، گؤزندن سؤزمین بیلمز

تیرماه ۱۳۵۶

[41195806047]

بير اوشاغام، آنام ســـن ســــن(من يک بچه ام و مادرم تويي)


خسته اولسام، داوام سن سن(اگر مريض بشوم،دارويم تو هستي)


آغاج اولسام،هاوام ســــن سن(درخت باشم،هوا ونفسم تويي)


اورک ائــــويم سنســـيز تــــالان(خانه دلم بدون تو ويرانه هست)


آنا يوردوم، آذربايجان(سرزمين مادري ام ،آذربايجان)




جئيران اولسام ، سن داغيمسان(اگر آهو باشم،تو کوه مني)


بولبول اولسام،سن باغيمســــان(اگر بلبل باشم،تو باغ مني)


سونبول اولسام،تورپاغيمـــــسان(ا� �ر گندم باشو،تو خاک مني)


ســــرين سولار،سندن آخـــــان(اي جاييکه چشمه هاي سرد از تو روان ميشود)


آنا يوردوم آذربايجان(سرزمين مادري ام،آذربايجان)


آغ بـــــــولوتلار، يور قانيندي(ابرهاي سفيد،لحاف و روانداز تو است)


مـــــرد اوغوللار قوربانيـندي(فرزندان مرد وعيار قربان تو است)


يول گورسدن ، قورآنينـــدي(و قرآني که راه را نشان ميدهد)


دوشمن لري ، درده سالان(اي کسيکه دشمنان را به درد مي اندازي)


آنا يوردوم آذربايجان(سرزمين مادري ام،آذربايجان)


من آرازام ، ســن خزرسن(من آراز هستم(ارس)،تو خزر هستي)


آغيزلاردا، چوخ گـــــزرسـن(در زبانها وحرفها هميشه مي گردي)


هر آفت دن ، بر حذر سـن(از هر آفتي،به دور هستي)


قار-ياغيشلار ، سنه ياغان(بارانها و برفها ،براي تو مي بارد)


آنا يوردوم ، آذربايجان(سرزمين مادري ام،آذربايجان)


قول-قاناديم ، هوسيم سن(بال وپرم،هوسم)


يورولمايان ، نفسيم ســـن(نفس خستگي ناپذيرمن)


من اوره يم ، قفسيم سن(من دل هستم وتو قفسم)


منه داياق ، کومــک دوران(برمن تکيه داده اي و کمک مني)


آنا يوردوم ، آذربايجان(سرزمين مادري ام،آذربايجان)


من قوش اولسام ، سن پريم سن(اگر من پرنده باشم توبال من هستي)


زرگـــــر اولسام ، ســـن زريم سن(اگر طلا فورش باشم،طلاي مني)


عاشيق اولسام ، ديل بريم ســـن(اگر عاشق باشم،دلبرم تو هستي)


عاشيق لري ، ســــاي سيز اولان(آنکه عاشق هايش بيشمار هست)


آنا يوردوم ، آذربايجان(سرزمين مادري ام،آذربايجان)


گوزَللــــــرين ، گوزَلي ســـن(زيباي زيباترين هايي)


داد لي-دوزلـــو مزه لي سن(با مزه و با نمک و شيريني)


شاعيرين شعر ، غزلي سن(غزل و شعر شاعراني)


آدين سنـين ، ديلــــده قالان(اي که اسمت در زبانها مي ماند)

[41195821921]

گجه لر آيه باخپ
من سني ياد ايله مشم
صبحه جان ياتمامشام
فكر و خيال ايله مشم
گه ياتپ گه اويانپ
بيله خيال ايلمشم
من باخان آيه
خدايا گورسن ياردا باخر؟